انشدة المتظاهرين المصرين فى ميدان التحرير ضدد المشير

الســـلام عليــكم ورحــمه اللــــه وبركاته


قبل اى شئ كل عام وانتم بألف خير بمناسبه السنه الهجريه


وثانى شئ كل واحد مصرى يقول اللهم احفظك يا بلدى


اللهم ارجع لنا مصرنا كما كانت فى عصر نهضتها وشموخها


وادعو بالرحمه والصبر لأهالى الشهداء حفظهم الله




اول واحد ....



" غني يا سمسميه "
لبتوع العباسيه
برضه المشير هيرحل
ويسيبها مدنيه
يا خالد يا سعيدنا
... روحك واقفة تساعدنا
شكرا ليك عالنهار
من بعد المغربيه
" غني يا سمسميه "
لبتوع العباسية
برضه المشير هيرحل
ويسيبها مدنيه
يا شهدا يا رجاله دمكم إستحاله
ينزف من غير قضيه
" غني يا سمسميه "
لمصرنا البهية
مش هنفض إعتصامنا
طول ما أنتي بينا قوية
"غني يا سمسمية"
سمعي الدنيا ديه
هنا في التحرير رجالة
شايلين المسؤلية
البرد بقا يدفينا
والموت صعب ينسينا
أن أحنا لمصر هدية
" غني يا سمسمية "
للفجر الطالع بيا
وابعتي لأهلي رسالة
ديه بلدنا في إيدنا أمانة
وروحنا فدها شوية ...
_______________________________

الثانى .....

قايم نايم في التحرير .. والاسفلت عملته سرير .. جاي بحلم بالتغيير .. كنت بقول ارحل

يامبارك .. دلوقتي بقول ارحل يا مشير !!
_________________________________

النشيد الوطنى الجديد...

النشيد الوطني الجديد:
الشرطة العسكرية..حلوة بس شقية
نطت حتة نطة ..ركنت بيها السلطة
... ..
الثورة زعلانة..هي الي غلطانة
سابت الداخلية.. لشوية بلطجية
اخس عليكي ياشرطة
اتفوو
by.alaa

الكاتب .. https://www.facebook.com/lolo.lola.tota
_________________

جدع يا باشا قتلتني..وغاز مسيل سممتني..و من الجياة ريحتني..نسيت انك كمان دبحتني
جمب الزبالة ركنتني..معقولة يا باشا معرفتنيش.. لسة يا باشا مفتكرتنيش..انا ياباشا اسمي شهيد..
انا مش واحد من العبيد..تدوس عليه و تقول اصله عنيد ..انا اللي كنت في التحرير جايب لمصر عهد جديد ..
لساك ياباشا بتقول نسيت ..معذور ياباشا في مني كتير ..قولي ياباشا مسمعتش ليه كلام الوزير..قاعد يقول ضبط النفس و هو كلب زي المشير..
عيب ياباشا لما تقول البلطجية هما اللي في التحرير ..عيب ياباشا لما تقول ان الشهيد مجرم خطير ..
قول للمشير كفاية كلام اصل كلامه بقا كتير..خلص الكلام ..اعذرني ياباشا الود ودي اقول كمان بس معلش كدة كفاية ..
الملايكة بيندهوني من اعلي الجنان
......يا .... يالي كنت مستخبي و كله ظهر وبان
ياريت توصل كلامي ياباشا ياريت تقولهم...
.
انا مش جبان
by.alaa https://www.facebook.com/lolo.lola.tota

_________________

رَبِّيَ لَا تَڪسَرَّ مَصـر وَلَا تُصَعِّبُ عَلَيَّها أَمَرَا . .

وَلَا تَحْرِمْنِا أمنَهَا وآمَانَها . . وَاحْفِظُ كُل مَنْ أَرَادَ الْخَيْرَ لَهَا

رَبِّيَ لَا تَڪسَرَّ مَصـر وَلَا تُصَعِّبُ عَلَيَّها أَمَرَا . .

وَلَا تَحْرِمْنِا أمنَهَا وآمَانَها . . وَاحْفِظُ كُل مَنْ أَرَادَ الْخَيْرَ لَهَا

شكرااا ياقمر على الموضوع بس صراحه عيب انهم يهتفو ضد المشير ماهو سلم السلطه اهو زى ماقال